काठमाडौँ
प्रधानमन्त्री केपी शर्मा ओलीले प्रतिनिधिसभाको सामना गर्ने तर तत्काल राजीनामा नदिने भएका छन्।
सर्वोच्च अदालतले प्रतिनिधिसभा पुन:स्थापना गर्न आदेश दिएपछि प्रधानमन्त्रीका सञ्चार सल्लाहकारले उक्त जानकारी गराएका हुन्।
प्रधानमन्त्रीका सञ्चार सल्लाहकार सूर्य थापाले भनेका छन्, ‘प्रधानमन्त्रीले प्रतिनिधिसभाको सामना गरेर नै फैसला कार्यान्वयन गर्नुहुन्छ । तत्काल राजीनामा दिनुहुने छैन।’
यसका साथै सर्वोच्च अदालतले गरेको फैसला विवादास्पद भएपनि मान्नुपर्ने र कार्यान्वयन गर्नुपर्ने थापाले उल्लेख गरेका छन्।
भनिएको छ, ‘अदालतको फैसलाले यसका दुष्प्रभावहरू भविष्यमा देखिदैं जाने निश्चित छ। यसबाट राजनीतिक समस्याहरूको कुनै हल हुने अवस्था पनि छैन। बरू अस्थिरता अझै बढ्ने छ। सत्ताको खेल बढ्नेछ।’
माधव नेपालले संदेश भारत पुर्याए
प्रतिनिधिसभा विघटनलाई सर्वोच्च अदालतले सदर गरेसँगै भारतीय नेताहरुको सक्रियता बढेको छ । भारतीय जनता पार्टीका नेता एंव राज्यसभा सांसद सुव्रण्यम स्वामीले नेपालबाट शुभ समाचार आएको प्रतिक्रिया दिइसक्नु भएको छ ।
सर्वोच्चले फैसला दिने बेला पुष्पकमल दाहाल प्रचण्ड र माधवकुमार नेपाल भने चितवनमा रहनु भएको थियो । बुधबार हुने सभालाई सम्बोधन गर्न उहाहरु त्यहा पुग्नु भएको थियो ।
चितवनको एक होटलमा रहेका बेला उहाँ कसैसँग सम्वाद गरिरहेको भिडियो सार्वजनिक भएको छ । प्रचण्ड कुनै सञ्चारमाध्यमलाई अन्तर्वार्ता दिईरहनु भएको बेला सँगै रहनु भएका नेपाल भने कसैसँग टेलिफोनमा सम्बादमा हुनुहुन्छ ।
Discussion about this post